tawirin...

^I
 mahirap ipikit
 kung hindi man makadilat,
 sa mga bagay na sipatin
 pinaghalo-halong kalat..

^II
 mahirap gumising
 kung umaga'y kay lamlam,
 kapos sa damdaming
 silay ng gintuing pag-aagam..

^III
 mahirap isipin
 kung hindi mo pa alam,
 nariyan ka ngunit
 ako'y dito nag-aabang..

^IV
 mahirap kipkipin
 kung masidhing pait ng alapaap,
 sa patak ng mga luha'y
 dilig ng makulimlim mong yakap..

^V
 mahirap lakarin
 kung mumunting hakbang ay hamak,
 matibo ng gabuhangin
 sa mabatong putikan nayapak..

^VI
 mahirap bilangin
 kung hindi naman kabilang,
 sa bahaging nais
 gamunti man ay husgahan..

^VII
 mahirap angkinin
 kung hindi saki'y nararapat,
 ipagpilitang kabig
 salat sa hangi'y hindi sapat..

^VIII
 ngunit mahirap limutin
 kung alaala mo'y hagilap,
 pusong nagdurugtong
 pintig sa ibig mong hanap..

^IX
 kaya't mahirap man
 ako'y magsusumikap,
 mabahirang hugis
 sing-tamis ng pangarap..

^X
 hirap ng dulaan
 sa ilog na tawiran,
 ligaw ng hangarin
 nahulog sa mahal kong punluan...

   _{—cæle, v.09092014}