literature

manghustay...

Deviation Actions

alfaghor's avatar
By
Published:
213 Views

Literature Text

I
 ano nga ba yaong tama at mali?
 kung iyong alam ba natin ay hindi napili,
 sapilitang aspektong minanang pag-uugali
 iba't ibang bersyon, salitang tagpi-tagpi..

II
 isang tanghaliang tapat duon sa kusina
 may kusang lahok sa pansit na ginisa,
 malalasang putahe alay sa mga bisita
 kapalit ng dighay sa inamag na meryenda..

III
 ang mais na giniling sa awit ng bituin
 maseselang bahagharing huwag sanang umagahin,
 pagdadalawang isip sa minabuting hangarin
 sukat at tindig ng lirang dukhain..

IV
 ang sulat sa librong may malalaswang tinta
 dayuhang patanong sa musikang ipininta,
 mga pagbabakasakaling tanggap na ng iba
 sa kwadernong kulungan duon pa inihabla..

V
 ang pagtitinginang nauwi sa pustahan
 naligaw ng landas sa iskinitang laglagan,
 labinlimang papel pinagpag sa labahan
 mapuputlang mga hugis tila naghihiyawan..

VI
 at ang nagpresinta sa ibig ng habag
 huwag sanang kalikutin musmusin pang layag,
 sa ihip ng hangin ng amihang mapanatag
 ekis na sinsil sagot sa banderang inilatag..

VII
 kaya't huwag sanang mangamba at luha ay itila
 init ng damdamin dumadaing ng eskrima,
 darating din may isang araw na dakila
 matutong hintayin at buhayin ang diwa..

VIII
 itong tagong dunong laman ay alipusta
 puwing sa paningin ng duling na mga mata,
 antiparang itim inihaharang sa lupa
 matapilok ng malalim ay daplis lamang sa tenga..

IX
 ang pagbubulagan sa binging katahimikan
 balikong singkapatin sa mabatong daraanan,
 umiiwas sa dilim ng malinis na lansangan
 nagdeliryong dasalin lingid sa katotohanan..

X
 at anong aba nga ba ang hindi tumutugma?
 sa sampung mga akdang sa mga pahinang hiniwa,
 ang matakot sa talim ng dilang konsensya
 ating respetuhin at huwag sanang agad ay manghusga...

   —cæle, v.10082014
© 2014 - 2024 alfaghor
Comments0
Join the community to add your comment. Already a deviant? Log In