inaamag...

^I
 ako ang amag na hindi madampian
 sinisimsim, kinukutya ng may agam-agam,
 aking langhaping may kabulukan
 maduwalduwal itinapon duon sa lansangan..

^II
 dito sa basurahang aking tahanan
 mumunti man ay puros kagalakan,
 sa hirap ng buhay na pinagdaraanan
 kaunting tiis para sa pag-asang kinabukasan..

^III
 hindi man malinis at medyo magulo
 mga alikabok man ay liparin sa tulugang kwarto,
 iba't ibang insektong laging nangagsisipagdapo
 samu't saring anyo at halong kung anu-ano..

^IV
 pagkain kong hiram na panawid ulam
 mga bigas ng kahapong aking pang-umagahan,
 sa platong plastik at papel na binalutan
 kalahating sandok ilinimos lang sa tiyan..

^V
 sagad-sagaran hanggang sa buto
 pati balat ko ay tuyong tuyo,
 mga uban man ay naglagas sa ulo,
 kakaisip at kakaplano, alin nga bang tama dito?..

^VI
 aking landasing limot sa pananaw
 dunong na taglay ay kapos at uhaw,
 pag-ibig na daing na hindi ko matanaw
 sa ibayong baybayin nasisilaw sa araw..

^VII
 mga ngiting may sinag, alab sa damdamin
 gandang iyong taglay ninanais kong silayin,
 taong mag-aabang, pangarap na hintayin
 inaalay kong dasal, bukod tangi, ikaw ang daing..

^VIII
 sa puso kong parang isang tsokolate
 na inaamag kapag iyong ipinag-iisantabi,
 kahit na gaano katamis, kahit na libre
 likas kong pagka-torpe iyo sanang mabali..

^IX
 tunawin sa haplos, mga dampi ng pagmamahal
 akitin ng lubos itamang mga asal,
 iduyan sa iyong bisig, emosyun man ay pagal
 hakbang man ay bilangin, hantungin sa kasal..

^X
 kapag natikman na, kay pait man o kay lapot
 tibok ng mga puso ay parang may kurot,
 kiligin at totohanin ng huwag ng matakot
 sapagkat latak sa ilalim, nagtagong inamag na pulot...

   _{—cæle, v.10072014}